Heime!!

Fyrst og fremst må vi takke Tom for ein utruleg flott innsats på bloggen medan vi har vore borte! Tusen takk – du har gjort ein strålande jobb, og det er vi veldig takksame for. Og sjølvsagt må vi takke alle som har lese bloggen og fulgd med undervegs, tusen takk for alle helsinger og oppmuntringer. Det er stor stas!

Vi nådde Sørneset kl. 00.40, 25. April, og hadde ein fantastisk og lang (les; mest 5 mil !!) dag med skiftande vêr, men det vart eit glimt av midnattssola på veg nordover igjen. Det var stort å endeleg stå heilt syd på Spitsbergen! :-)

Vi lagde ei sjølfie-stang av stavar og ski, så vi fekk tatt eit bilete av alle fire.

Turen har vore ei flott oppleving, med mykje moro og nokre utfordringer – slik ein tur skal vere. Vi har fått kjenne på uvêret, men også sola som varma godt i andletet. Heilt fantastisk har det vore, og det er litt rart å vere attende i sivilisasjonen. No skal vi lande litt, før vi gyv laus på dagleglivet igjen.

Det vart lange dagar på slutten og vi vart slitne men veldig nøgde då vi kom attende til Longyearbyen på fredag 29. april. Vi hadde ein framifrå scootertur med midnattssol, ingen vind(!! :-) ), spektakulær natur OG vi fekk sjå isbjørn, ved Van Mijen-fjorden – HURRA! Det var ei nydeleg avslutning på ein flott tur.

Igjen – vi er veldig takksame for engasjementet dykkar, Det har vore ein hyggeleg motivasjon å ha med seg på turen.

Håper de får ein fin vår og sumar alle saman – STOR klem frå Marte, Turid, Torunn og Anne Marthe

Her er nokre bilete frå turen