Nuddbreen - Krøkjebreen - Isgrotter
- Tom
- 19. apr. 2016
- 1 min lesing
18.April var leirplassen på Nuddbreen (Sjå kartet på førre innlegg). Dei ligg godt an etter planen dei hadde.
Breane på Svalbard er subarktiske. Det betyr visstnok at dei oppfører seg litt annleis enn brear lenger sør. Dei frys meire fast til underlaget, og rører seg meire i rykk og napp sett over litt lengre tid. Difor kan brear som på gamle luftfoto ser snille og rolege ut endre seg og "fløyme over" med dramatiske brefall rike på sprekkar ein del år seinare.
Jentene har difor sikra seg fersk informasjon om korleis breane i området er i nyare tid, og lagt ruta ut frå dette.
I kveld 19/4 er dei kanskje på Krøkjebreen, der kartet seier at det kan vera ein del breelvar som går ned i hol i breen om sommaren. Slike hol kan vera innganger til flotte isgrottar, som til dømes dei i Larsbreen ved Longyearbyen.
Her eit flott bilete frå ein av Larsbregrottene (Foto: Fredrik Samuelsson)
Nedanfor er eit bilete av "På kryss og tvers" - ekspedisjonen sin camp på Nuddbreen:
